ရွက်လှေ လုပ်ငန်းမှ ဝင်ငွေ ၁၇ နှစ်အတွင်း စံချိ်န်တင်
မေဇင်ဝင်း
ရန်ကုန်၊ ဧပြီ ၃ဝ
ရန်ကုန်၊ ဧပြီ ၃ဝ
၂ဝ၁၄ ခုနှစ်တွင် ရွက်လှေလုပ်ငန်းမှ
ရရှိသောဝင်ငွေသည် ၁၇ နှစ်တာ ကာလအတွင်း စံချိန်တင်အများဆုံးဖြစ်ခဲ့ကြောင်း
ဟိုတယ်နှင့် ခရီးသွားလာရေး ဝန်ကြီးဌာနမှ သိရသည်။စက်တပ် ရွက်လှေများသည်
ကျွန်းပေါင်းရှစ်ရာကျော်ရှိသည့် မြိတ်ကျွန်းစုများသို့ ဝင်ရောက်ကြ
ခြင်းဖြစ်ပြီး ပြည်ပဧည့်များသည့် တိုင်းရင်းသားပိုင် ရွက်လှေ လုပ်ငန်း၊
နိုင်ငံခြားသားပိုင်လုပ်ငန်းများ နှင့်ချိတ်ဆက်ကာ ကျွန်းစုများသို့
လာရောက်ကြခြင်းဖြစ်သည်။ ထို သို့လာရောက်ရာတွင် နိုင်ငံခြားသားပိုင်
ရွက်လှေလုပ်ငန်းများနှင့် ချိတ်ဆက်လာသည့် ခရီးသည်များကို ဝင်ကြေးအဖြစ်
တစ်ဦးလျှင် ကော့သောင်းခရိုင်အတွင်း ဒေါ်လာ ၁ဝဝ မြိတ်ခရိုင်အထိ ဒေါ်လာ ၁၅ဝ
နှင့် လေးညအိပ် ငါးရက်ထက် ပိုပါက ရက်ပိုကြေးအဖြစ် ခရီးသည် တစ်ဦးလျှင်
တစ်ရက် ဒေါ်လာ ၂ဝ နှုန်း ကောက်ခံခြင်းဖြစ်သည်။
နိုင်ငံသားပိုင်လုပ်ငန်းနှင့်
ချိတ်ဆက်လာသော ခရီးသည်များကိုမူ ကော့သောင်းခရိုင် ဒေါ်လာ ၅ဝ၊ မြိတ်ခရိုင်အထိ
ဒေါ်လာ ၈ဝ ကောက်ခံခြင်းဖြစ်သည်။ ထိုသို့ ကောက် ခံရာတွင် ၂ဝ၁၄ ခုနှစ်၌ ဒေါ်လာ
၃၂၉၄၇ဝ နှင့် မြန်မာကျပ်ငွေ ၅၇၉၉၁၅ဝဝ ဖြင့် အများဆုံး
စံချိန်တင်ရရှိခဲ့ခြင်းဖြစ်ကြောင်း ကော့သောင်း ဟိုတယ်နှင့်ခရီး သွားညွှ
န်ကြား မှုဦးစီးဌာနမှ လက်ထောက်ညွှန်ကြားရေး မှူး ဦးလွှမ်းမိုးက ပြောသည်။
”မနှစ်က ဒီဇင်ဘာ တစ်လတည်းရဲ့ ဝင်ငွေက ၂ဝ၁၂
တစ်နှစ်လုံးဝင်ငွေရဲ့ ၆၇ ရာခိုင်နှုန်းလောက်အထိ တက်ခဲ့တယ်။ ဒီနှစ်လည်း
မနှစ်ကထက်များမယ်လို့ ခန့်မှန်း ထားပါတယ်”ဟု ၎င်းကပြောသည်။ စက်တပ်ရွက်လှေ
ခရီးသည်များသည် မိသားစု အပန်းဖြေခြင်းသော်လည်းကောင်း၊ အဖွဲ့အားဖြင့်
သော်လည်းကောင်း လာရောက်ကြ ပြီး ခရီးသည်များ၏ လိုအပ်ချက် ကြောင့်
ရွက်လှေကုမ္ပဏီများက ရေငုပ်ခရီးစဉ်နှင့် Adventure ခရီးစဉ်များဟူ၍
ခရီးစဉ်ရေးဆွဲရောင်းချလျက်ရှိကြောင်း သိရသည်။
မြိတ်ကျွန်းစုများသည်
ကျွန်းစုများနီးကပ်စွာ တည်ရှိနေခြင်းကြောင့် သဘာဝဘေးအန္တရာယ်ကျရောက်နိုင်မှု
နည်းပါးခြင်း၊ ကျွန်းများပေါ်တွင် လူနေမှုနည်းပါးခြင်း၊ သဘာဝ သယံဇာတများစွာ
မပျက်မစီးတည်ရှိခြင်းစသည်တို့ ကြောင့် မြန်မာ့ခရီးသွားလုပ်ငန်းအတွက်
သဘာဝအားသာချက်များ ဖြစ်၍ ထိုသို့ ပြည်ပဧည့်များလာ ခြင်းဖြစ်ကြောင်း၊
ထို့ကြောင့် ခရီး သွားလုပ်ငန်းကို ထိခိုက်စေမည့် ငါးဗုံးခွဲခြင်း၊
သစ်တောများ ခုတ် ခြင်း၊ ရွာသစ်များတည်ဆောက် ခြင်း၊ ကမ်းခြေတစ်လျှောက် စည်း
ကမ်းမဲ့အမှိုက်ပစ်ခြင်း၊ ပုလင်းကွဲစပစ်ခြင်းများကို ကာကွယ်ရန် လိုအပ်ကြောင်း
ခရီးသွားလုပ်ငန်းရှင်တစ်ဦးက မှတ်ချက်ပြုသည်။
No comments:
Post a Comment